د الله په نامه چې ډېر زیات مهربان او پوره رحم لرونکی دی.
حمد او ثنا د الله سبحانه و تعالی لپاره ده، او درود او سلام دې وي پر رسول الله ﷺ، د هغه پر کورنۍ، اصحابو او پر هغو کسانو چې د هغه ملګرتیا یې کړې ده، او له دې وروسته...
د دعوت ګرانو حاملینو ته، الله سبحانه و تعالی دې هغوی د خپل ځان او خپل رسول ﷺ په اطاعت سره عزتمن کړي...
د دې پاڼې محترمو مېلمنو او لیدونکو ته، الله علي القدیر دې هغوی ته په اسلام سره عزت او کرامت وبخښي...
او د اسلام ستر امت ته چې غوره امت دی؛
كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ
"تاسو هغه غوره امت یئ چې د خلکو (لارښوونې) لپاره را ایستل شوي یئ، په نېکۍ امر کوئ، له بدۍ منعه کوئ او پر الله ایمان لرئ." (سورت آل عمران: ۱۱۰)
تاسو ټولو ته د کوچني اختر مبارکي وایم، له الله سبحانه و تعالی څخه غوښتنه کوم چې ستاسو طاعتونه، روژې او قیامونه قبول کړي، او دا اختر دې د ټولو مسلمانانو لپاره د خیر او برکت پیلامه وګرځي. دعا کوم چې راتلونکی اختر تر هغه ونه رسېږي ترڅو چې د اسلامي دولت، یعنې دویم راشده خلافت، نه وي قیام کړی، ترڅو مسلمانان یو ځل بیا د رسول الله ﷺ او د لومړي راشده خلافت د دورې په څېر عزتمن او پیاوړي شي...
عزیز او حکیم ذات دې په دنیا کې هغوی د عقاب تر بیرغ لاندې وساتي، چې هغه د رسول الله ﷺ بیرغ دی، د "لا إله إلا الله محمد رسول الله" بیرغ؛ او په اخرت کې دې رحمن او رحیم ذات هغوی په خپل سیوري کې وساتي، په هغه ورځ چې د هغه له سیوري پرته بل هېڅ سیوری نشته... او الله جل وعلا د صالحانو ملاتړی دی.
والسلام عليكم ورحمة الله وبركاته.
ستاسو ورور عطاء بن خليل ابو الرشته د حزب التحریر امیر