(Mfululizo wa Majibu ya Mwanachuoni Mtukufu Ata Bin Khalil Abu Al-Rashtah, Amir wa Hizb ut Tahrir, kwa Maswali ya Wageni kwenye Ukurasa Wake wa Facebook)
Jibu la Swali:
Kuhusu Kutazama Filamu za Ngono na Kashfa dhidi ya Hizb ut Tahrir
Kwa Omar Daragmeh
Swali:
Assalamu Alaikum Warahmatullahi Wabarakatuh ewe Sheikh wetu,
Natumai kwako ewe Sheikh wetu utawajibu wale wote wanaokashifu Hizb ut Tahrir kwa mambo mengi, na lile linaloenezwa zaidi ni suala la kutazama filamu za ngono?
Jibu:
Wa Alaikum Salam Warahmatullahi Wabarakatuh.
Kuhusu suala la filamu za ngono... hakika maoni yetu yako wazi ndani yake, na limeshatolewa jibu la swali lililo wazi ambalo halina utata katika suala hili, nalo limeandikwa katika tovuti zetu rasmi ambapo ilitajwa:
(...Ama kutazama filamu za kusisimua za ngono, haijuzu hata kama ni picha na si miili ya kweli, kwa sababu kanuni ya kisheria katika mlango huu ni "Al-wasilah ilal haram haram" (Njia inayopelekea kwenye haramu ni haramu), na haishurutishwi katika kanuni hii kwamba njia hiyo ipelekee kwenye haramu kwa yakini, bali kutosheka kwa dhana yenye nguvu (ghalabat al-dhann) inatosha.
Na filamu hizi mara nyingi humuongoza anayezitazama kwenye haramu, na kwa hiyo kanuni hiyo inazihusu.
Hivyo basi, haijuzu kuzitazama wala kuwa nazo.
Ama jinsi vijana wa Hizb wanavyopaswa kufanya kwa Waislamu wanaotazama filamu hizo, hakika wengi wa wanaotazama filamu hizi ni watu duni ambao hawanufaiki na amri wala katazo isipokuwa wale aliowarehemu Mola wako. Pamoja na hayo, kama vijana watapata mbinu madhubuti, yenye kuzuia na ya hekima, basi waitumie. Huenda muulizaji anawakusudia baadhi ya jamaa zake ambao inamhuzunisha kuwaona katika tabia hii mbaya, na anapenda kuwaepusha nayo. Ikiwa hali ni hiyo, basi awaamrishe na kuwakataza na achague mbinu mwafaka, huenda Allah akawaongoza, na atapata malipo kwa ajili hiyo akipenda Allah.
Waislamu leo wamezingirwa na majanga kutoka kila upande kutokana na kutokuwepo kwa Khilafah yao, na inastahiki kwa Muislamu asiwe na wasaa katika wakati wake hata kwa pumbao lililoruhusiwa (lahw mubah), sembuse akitumia wakati huo katika pumbao la haramu, tunajikinga kwa Allah kutokana na hilo. Ni wajibu kwenu, enyi ndugu, kuwaelekeza Waislamu kwa nguvu, lakini kwa hekima, ili wajaze wakati wao kwa kutenda mambo ya kheri, na juhudi na bidii katika kufanya kazi ya kurudisha Khilafah, na kuinusuru Umma kutokana na majanga haya) Mwisho.
Ama wale wanaokashifu, wao si watafuta haki, la sivyo wangetegemea vitabu vyetu na tovuti zetu rasmi, na hapo wangepata usafi ambao hawajauzoea kwao, na utakaso ambao hawaupati isipokuwa kwa wapenzi wa Allah ambao wanatazamia Akhera zaidi kuliko wanavyotazamia dunia...
Hakika wale wanaokashifu wanategemea maandishi ya watu wengine kana kwamba hawatambui dhambi kubwa inayotokana na uzushi:
إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ
"Hakika wale wanaomzulia Allah uongo hawatafaulu." (QS An-Nahl [16]: 116)
Ndugu yenu Ata Bin Khalil Abu Al-Rashtah
Kiungo cha jibu kutoka kwenye ukurasa wa Amir kwenye Facebook
Kiungo cha jibu kutoka kwenye tovuti ya Amir
Kiungo cha jibu kutoka kwenye ukurasa wa Amir kwenye Google Plus