Ee Mola wangu, rehema Zako
Bado tunaendelea, Ee Mola, kushuhudia kuondoka kwa kizazi cha kwanza kuelekea Kwako, mmoja baada ya mwingine. Ingawa hii ni neema kutoka Kwako na fadhila, kwani wanakutana na wapendwa wao, Muhammad (saw) na maswahaba zake, lakini tulipenda washuhudie mavuno ya mashuke ya kheri waliyoyapanda, na wafurahie matunda ya mmea mzuri walioupanda. Pamoja na hayo, hatusemi lolote isipokuwa kwamba kheri ni kile Ulichokichagua Wewe, Utukufu ni Wako, na hakuna hila wala nguvu isipokuwa kwa Allah.
Bado tunaendelea, Ee Mola, kutembea katika njia ngumu, iliyofunikwa na miiba, na kuzungukwa na madhalimu. Pamoja na hayo, tunajitahidi na kufanya juhudi kwa idhini Yako, Ee Mola, ili kutengeneza njia, bila kujali damu inayotiririka kutoka mikononi mwetu kutokana na kung’oa miiba. Vilevile, tunasimama kidete mbele ya madhalimu ili kuondoa dhuluma zao, na kuikwamua Umma na kuifanya iwe na furaha, bila kuogopa ukandamizaji wa madhalimu wala maudhi yao, na hata kufa mashahidi katika kuta za magereza yao... Sisi, Ee Mola, ni kama mishumaa inayoungua ili kuangaza giza kwa nuru ya Uislamu, na malipo ya watendaji ni mazuri yaliyoje.
Bado tunaendelea, Ee Mola, kuwaona wapendwa wakielekea kwa Rafiki wa Juu bila sisi kuweza kuwaaga kwa mara ya mwisho. Baba yangu alifariki, Mwenyezi Mungu amrehemu, nikiwa katika moja ya magereza ya madhalimu, kisha akafuatiwa na mama yangu, Mwenyezi Mungu amrehemu, nikiwa katika gereza lingine la madhalimu. Baada ya hapo, alifariki kaka yangu mkubwa, Mwenyezi Mungu amrehemu, nikiwa mbali naye kama mgeni. Na sasa, huyu hapa ndugu yangu, ami yangu na mpendwa wangu anaelekea Kwako nikiwa pia mbali naye kama mgeni. Hakika sisi ni wa Allah na Kwake tutarejea.
Mwishowe, Ulituamuru, Ee Mola, kukuomba na Ukatuahidi kutujibu, na Wewe, Utukufu ni Wako, huvunji ahadi. Ee Allah, usiwape maadui sababu ya kutufanyia dhihaka, wala usiwawezeshe kutufanyia mzaha wakisema: "Walinganiaji wa Khilafah wanafanya kazi isiyo na faia, kwani umri wao umerefuka na Khilafah yao bado haijasimama!" Ee Allah, tuharakishie nusra Yako kuu, na utufungulie ufunguzi ulio wazi (al-fath al-mubin), ili tutangaze Khilafah mbele ya madhalimu, tukiwa tumebeba Liwaa mkononi mmoja na Raya mkononi mwingine, na tukipaza sauti mbele yao tukikariri:
قُلْ مُوتُوا بِغَيْظِكُمْ
"Sema: Kufeni na hasira zenu." (QS. Ali 'Imran [3]: 119)
Ikiwa mmetufanyia dhihaka bila haki, basi sisi tunawafanyia dhihaka kwa haki, nanyi mko miongoni mwa waliodhalilika zaidi. Ee Mola wetu, Amin.
Na mwisho wa yote, tunakuomba, Ee Mola, kwamba asichukuliwe yeyote baada ya leo kutoka kwa kizazi cha kwanza isipokuwa chini ya kivuli cha Khilafah iliyosimama kwa idhini Yako katika muda wa karibu ulioharakishwa.
Mwenyezi Mungu amrehemu mpendwa wetu aliyetutoka, mmoja wa wanachuoni mashuhuri, mpendwa wetu na mpendwa wa Waislamu, Abu Ghazi, na Mwenyezi Mungu amfufue:
مَعَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ ۚ وَحَسُنَ أُولَٰئِكَ رَفِيقًا
"Pamoja na Manabii, na Masiddiki, na Mashahidi, na Watu Wema. Na hao ndio rafiki bora." (QS. An-Nisa [4]: 69)
Mtumwa Wako, Ee Mola Mwenye kutaraji msamaha Wako na nusra Yako
21 Shawwal 1429 H 20/10/2008 M