Silsila ya majibu ya mwanachuoni mtukufu Ata bin Khalil Abu al-Rashtah, Amir wa Hizb ut-Tahrir, kwa maswali ya wageni kwenye ukurasa wake wa Facebook "Fikri"
Kwa Munzir Abu Ubaidah
Swali:
Assalam Alaykum Warahmatullahi Wabarakatuh
Imekuja katika Utangulizi wa Katiba, Ibara ya 21: Waislamu wana haki ya kuanzisha vyama vya kisiasa ili kuwawajibisha watawala, au kufika madarakani kupitia kwa Umma.
Swali: Ikiwa chama kilichofika madarakani kina programu ya kisiasa ya kichama, je, kitaitekeleza kama ilivyo hali ya vyama katika nchi za sasa?
Pia, je, inafaa kwa Amir wa chama - kama chama chetu - kuchanganya kati ya uongozi wa chama na nafasi ya Ukhalifa kwa wakati mmoja?
Na ikiwa inafaa, vipi uhasibu (muhasabah) utafanywa na chama kwa Khalifu chini ya uongozi wa Amir wake ambaye ndiye Khalifu?
Mwenyezi Mungu akubariki Amir wetu, na ajaalie heri kupitia mikono yako.
Jibu:
Waalaykum Salaam Warahmatullahi Wabarakatuh
Tumetoa majibu zaidi ya moja kuhusu mada hii: tarehe 14/08/1967 + tarehe 26/12/2014, na ndani yake kuna maelezo ya kutosha, hivyo rejea huko...
Lakini kwa ufupi ni kama ifuatavyo:
1- Kuchukua mamlaka kwa Hizb ut-Tahrir si kama kuchukua mamlaka kwa vyama vilivyopo duniani. Kinachofika madarakani ni fikra ambayo chama kimejengwa juu yake kwa sura yake ya kina kama kilivyoitambua (tabanni), na si wanachama wa chama hicho. Chama kinafanya kazi ili kufikisha fikra yake madarakani na si kufikisha wanachama wake...
2- Hata hivyo, kwa kuwa fikra ya chama haiwezi kutekelezwa vizuri isipokuwa na yule aliyeitambua na akaishi nayo na kwa ajili yake, basi ni lazima Khalifu atoke ndani ya chama, na ni lazima Wasaidizi (Mu'awin) watoke ndani ya chama, na ni lazima Amir wa Jihad atoke ndani ya chama. Hizi sehemu tatu za vyombo vya utawala ni lazima ziwe kutoka kwa chama ili iweze kutekelezwa ile fikra na kuhakikisha utekelezaji wake mzuri. Ama vyombo vingine vya utawala vilivyobaki, inajuzu viwe kutoka kwa chama au kutoka nje ya chama kulingana na uwezo na weledi...
3- Pamoja na kwamba kufika kwa fikra ya chama madarakani ni kufika kwa chama madarakani, chama kinahadhari sana kuwapachika vijana wa chama kwenye shingo za watu (nepotism), na kinachukua tahadhari kubwa dhidi ya hilo. (Imepokewa kutoka kwa Umar bin Al-Khattab kwamba alipowachagua watu wa Shura, yaani wale sita ambao Ukhalifa utakuwa miongoni mwao, alimwendea Ali na kumwambia: "Ewe Abu al-Hasan, ikiwa watakukabidhi mamlaka haya, basi usiwaweke Bani Hashim kwenye shingo za watu." Na akamwendea Uthman na kumwambia: "Ewe Uthman, ikiwa utapewa, basi tahadhari usiwaweke Bani Umayya kwenye shingo za watu"). Na Khalifu ikiwa atatoka Hizb ut-Tahrir, basi vijana wa chama kwake watakuwa katika nafasi sawa na Bani Hashim kwa Ali na Bani Umayya kwa Uthman, hivyo haifai kuwapachika kwenye shingo za watu...
4- Ama kuhusu uhasibu (muhasabah) wa chama kwa mtawala wakati chama kinapofika madarakani, jibu la hilo ni:
Chama hufanya kazi nne nazo ni: Thaqafah (iliyoratibiwa na ya jumla)... na mapambano ya kifikra kwa upande wa kubainisha fikra sahihi kutokana na fikra batili na fisadi. Kazi hizi mbili si maudhui ya uhasibu, bali ni kazi ya chama ya kithaqafah na kifikra, hivyo kazi ya chama itaendelea ndani yake kabla ya utawala na baada yake kwa usawa ambapo haziathiriwi na chama kuchukua mamlaka...
Ama kazi ya tatu (kufichua mipango ya kikoloni - kashf al-khitat), haitakuwa tena kazi ya chama kwa sababu kuwepo kwa chama madarakani kumefuta mada ya chama kufichua mipango ya ukoloni, bali vyombo vya utawala ndivyo vitafanya hivyo. Na itabaki kazi ya kuwawajibisha watawala katika kusimamia maslahi (tabanni al-masalih) kama ilivyokuwa kabla ya utawala, ikifanywa na Kamati za Wilayah (Lijan al-Wilayat).
Kama vile Kamati za Wilayah zilivyokuwa na mamlaka kabla ya utawala ya kumwajibisha kiongozi wa chama (Amir na ofisi yake), mamlaka hayo yataendelea katika kumwajibisha kiongozi wa chama akiwa madarakani, lakini katika kusimamia maslahi ya Umma kwa mujibu wa hukumu za Sharia na kuyalinda kwa uzuri na weledi.
Natumai katika hili kuna kutosheka, na Mwenyezi Mungu ni Mjuzi zaidi na Mwenye Hekima zaidi.
Ndugu yenu Ata bin Khalil Abu al-Rashtah
04 Rabi' al-Awwal 1445 AH Inayolingana na 19/09/2023 AD
Kiungo cha jibu kutoka kwenye ukurasa wa Amir (Mwenyezi Mungu amhifadhi) kwenye: Facebook